Gillz þarf loksins að 'feisa' eigin gjörðir

Egill Einarsson hefur nú í nokkur ár byggt upp öflugt vörumerki á því að vera með karlrembu og annan almennan dónaskap og lítilsvirðingu gagnvart kvennfólki. Nú kemur það honum í koll og get ég ekki fundið mikla samúð með honum í þeirri erfiðu stöðu.

Ég lét taka mitt nafn úr símaskránni á sínum tíma, ekki eingöngu vegna þess að málfluttningur Gillz ætti að mínu mati ekki erindi í einu heildar símanúmeraskrá landsins, heldur það að ég vildi helst ekki leggja mitt nafn við slíka skrá. Símaskráin þarf að taka ábyrgð á sínum gerðum líkt og Gillz þarf að taka á sínum. 

Gillz þarf að reka sín mál með eigin orð og gjörðir á bakinu og hans fortíð mun hafa gífurlega mikil áhrif á viðhorf almennings gagnvart honum og hans málstað.

Verði honum að góðu!

Símaskráin fjarlægð úr verslunum

ALLA JÓLASVEINA MÁ FINNA Í DIMMUBORGUM

Við stórfjölskyldan vorum í Dimmuborgum á sunnudag í skemmtiferð þegar við römbuðum frammá tvo jólasveina og skilst mér að hinir hafi verið nærri í hellinum þeirra. Við ákváðum að leita ekki frekar að hellinum, enda hættan á að hitta Grílu og Jólaköttin óásættanleg eins og kom berlega í ljós eftir að sérstakt áhættumat var unnið af yngstu kynslóðinni.

Þetta er þriðja árið sem farið er í Dimmuborgir á aðventunni, við mikinn fögnuð fjögurra kynslóða á aldrinum 5-75 ára. Ef lögreglan eða ef til vill aðrir borgarar í skemtiferðum hafa hug á að hitta á kauða eru allar upplýsingar á þessari vefsíðu hér. 

 

 

 

 

Með von um ánægjulega aðventu til ykkar allra! 

Bjúgnakrækir og Ketkrókur á ferð

Dýrkeyptir átthagafjötrar koma í veg fyrir fjárfestingu í heimabyggð

Á Ísafirði getur þú fundið sæta litla íbúð á um 6 milljónir. Þessi íbúð myndi væntanlega kosta um 20 milljónir í RVK. Þessi, og margar aðrar íbúðir á Vestfjörðum hafa verið að mestu í sölu undanfarin 5-10 ár, á milli þess sem hún er í útleigu.

Ástandið var mjög sambærilegt á Austurlandi fyrir álver, en nú, eftir álver er áfram álíka erfitt að selja þar og á Ísafirði, nema að virði eignarinnar er töluvert hærra þar sem bankar og íbúðalánasjóður halda verðinu uppi með óeðlilegum hætti. Þeir berjast við að ná inn fyrir kröfum þó svo slíkt sé í raun fráleitt. Hærra skrásett verð gerir lítið annað en að hækka skatta hjá fólki ... þannig að Austfirðingar eru ekki í betri málum hvað þetta varðar.

Um aldamótin þar-síðustu var vistarbandið við líði sem var að margra mati einskona lögleiðing þrælahalds, ætlað til að þvinga/tryggja búsetu jafnt yfir landið. 

Í dag eru það fjárfestingar í húsnæði sem binda fólk í 'heimabyggð' og þó fjölmargir velji vissulega búsetu á landsbyggðinni með þeim kostum og göllum sem henni fylgja, fer þeim fækkandi. Aðrir þora ekki að fjárfesta af ótta við bindingu þrátt fyrir einlæga ósk um að búa á landsbyggðinni.

Byggðarstefna á að hafa það hlutverk að jafna lífsgæði þeirra sem búa lengra frá grunnþjónustu við lífsgæði borgarbúa, í krafti hagræðinga hefur þróunin verið í hina áttina svo langt sem ég man, með sífeldri skerðingu á þjónustu í heimabyggð og auknum kostnaði lansbyggðarfólks við að sækja þjónustu lengra. 

Sem landbyggðarmanneskja vona ég svo sannarlega að við hættum að skipta okkur í tvær fylkingar, og tökum höndum saman um að halda öllu landinu í blómlegri byggð.

Skortur á húsnæði vandamál á Vestfjörðum

LÖGFRÆÐI ER FÉLAGSVÍSINDI

Þetta kemur vafalaust mörgun á óvart, því ef marka má umræðuna (sérstaklega ef lögfræðingar karpa) virðist sem um náttúrulögmál sé að ræða. Lögfræðingar og embættismenn stíga fram á völlinn og segja okkur að við séum hálfvitar því við erum ekki að fatta lagabálkana. Allt of margir lögfræðingar virðast skrifa lögin fyrir hvern annan í stað þess að skrifa þau fyrir almenning.

Lög eiga að vernda hagsmuni almennings!

Með lögum skal land byggja, og með ólögum eyða.

Sagði sig úr Lögfræðingafélaginu

Öll stjórnar og nefndarseta á vegum ríkisins á að vera með sömu þóknun

Mikilvægt er að Árni Páll og aðrir alþingismenn komi sér saman um hver þóknunin eigi að vera fyrir nefndar og stjórnarsetu á vegum ríkisins, einnig mættu sveitarfélög taka sér það til fyrirmyndar. Má þá vissulega miða slíka þóknun við vinnuálag í viðkomandi nefnd eða stjórn þar sem vinnuframlag í slíkar nefndir/stjórnir geta hreinlega verið frá 1-2 fundum á ári uppí það að slaga hátt í hlutastarf.

Það er ekki lengur boðlegt að nefndir og stjórnir sem tengjast fólki, velferð eða mannréttindum séu oftar en ekki ólaunaðar þrátt fyrir gríðarlega mikið vinnuframlag, en ef málið snýst um eignir eða peninga má endalaust hækka þóknun umræðulaust!

Ég legg til að kjaranefnd ákvarði viðkomandi þóknun!

 

 

Hækkaði stjórnarlaun um 77%

Seint koma sumir en eru sérstakir þó

"Mikið var að beljan bar" heyrðist reglulega í mínu ungdæmi þegar biðlundin var á þrotum og kemur mér aftur í hug nú, þegar þrjú ár eru frá hruni ef mér telst rétt til og ENN ER BEÐIÐ EFTIR ÁKÆRUM FRÁ EMBÆTTI SÉRSTAKS SAKSÓKNARA.

Mikið væri gaman að fá hans sýn á það hvort raunverulegir höfuðpaurar hrunsins muni nokkurntíma gjalda fyrir gjörðir sínar? 

Hvað veldur að biðin er svona löng eftir ákærum, og þá ákærum sem halda?

Líklega fleiri í gæsluvarðhald

Rétt skal vera rétt og hlutir settir í samhengi, háttvirtur velferðarráðherra. Konur á landsbyggðinni þurfa að fara allt að 700 km til að fá viðunandi þjónustu vegna fæðinga!

Konur á landsbyggðinni eru að mörgu leiti álíkar kynsystrum sínum á höfuðborgarsvæðinu. Þær fara til vinnu, sinna áhugamálum, borga reikningana eftir bestu getu, eignast maka, stundum í kjölfar þess að eignast maka þó það verði ekki útfært hér frekar, verða konur óléttar og fæða börn um níu mánuðum síðar!

Þegar konur verða óléttar á höfuðborgarsvæðinu sækja þær þjónustu til mæðraverndar og mæta síðan uppá fæðingardeild þegar fæðing er farin í gang og hríðarnar eru farnar að verða passlega harðar. 

Þegar konur verða óléttar á landsbyggðinni er málið ekki svona einfalt:

Ef kona er búsett í dreyfbýli þarf hún að mæta í næsta stóra þéttbýli fyrir hverja einustu mæðraskoðun og flytja svo búferlum nokkrum vikum (oftast um þrem vikum) fyrir áætlaðan fæðingardag til eins af stærstu þéttbýliskjörnunum, en oftast verða Reykjavík eða Akureyri fyrir valinu af tveimur megin ástæðum.

A) þar eru konurnar líklegastar til að eiga nána ættingja til að búa hjá (þetta er mjög mikilvægt því fæstir eiga auka pening fyrir 3-5 vikum á hóteli rétt fyrir barnsburð)

B) ef eitthvað bjátar eru Akureyri og Reykjavík einu tveir staðirnir sem bjóða uppá alla nauðsynlega neyðarþjónustu á staðnum (hér gæti verið að ég sé að lofa uppí ermina á mér hvað Akureyri varðar)

Tökum dæmi um áhættumeðgöngu og móðirin er búsett á Seyðisfirði:

Næsta sjúkrahús með fæðingardeild er á Norðfirði í 97km. fjarlægð þar sem fara þarf yfir tvo hættulega fjallvegi sem lokast gjarna í vondum veðrum og ein einbreið göng sem einnig lokast stundum á vetrum. Eins og sjá má á vef deildarinnar eru hraustar konur boðnar velkomnar en ef eitthvað kemur uppá þarf að hafa samband við fæðingalækna sem eru á Akureyri. 

Kona í áhættumeðgöngu er því hvorki velkomin eða æskileg á þessari deild og hefur því einungis um það að velja að fara tímanlega til Akureyrar (288km.) eða Reykjavíkur (679km.) þar sem hún skal bera allan kostnað af uppihaldi sjálf.

Svo veltir fólk því fyrir sér af hverju konur flýja landsbyggðina ...

 

 

250 km á næstu fæðingardeild

Til hamingju Palestína og til hamingju Ísland

Um leið og ég sendi mínar heitustu óskir til Palestínu um bjarta framtíð og betri daga hugsa ég til íslenskra ríkisstjórna sem er búnar að horfa uppá þennan hrylling síðan 1967 án þess að aðhafast neitt sem skiptir máli.

Við erum friðsöm þjóð og herlaus. Það er mín einlæg von að við verðum herlaust svæði um ókomna tíð. Við eigum rauðnverulega möguleika á að ganga í broddi fylkingar annarra þjóða með kyndil friðar og virðingu fyrir öðrum þjóðum og þjóðarbrotum. 

Við erum klárlega betri útávið ... 

Samþykktu að viðurkenna fullveldi Palestínu

Vaðlaheiðargöngin algerlega óþörf ...

... þetta landsbyggðarpakk á auðvitað bara að kveikja á tólgarkertunum og hlýja sér við hlið húsdýranna, í stað þess að vera að þvælast á milli staða svona yfir há vetrartímann.

Það er líka alger óþarfi að sækja sér heilbrigðisþjónustu þó svo maður lendi í hjartaáfalli eða heilablóðfalli, a.m.k. svona rétt á meðan lokað er yfir Vaðlaheiðina hálfu og heilu sólarhringana. 

Leiðinlegt ferðaveður

Rétt þegar úrræðin voru að verða trúverðug og líkleg til að veita bönkum smá aðhald á að hætta þeim

Það eru ekki nema örfáir dagar síðan ég hélt því fram í fullri alvöru að líklega vantaði ekki mjög mikið uppá aðgerðir ríkisstjórnarinnar fyrir skuldara. Möguleikarnir sem nú eru í boði innihalda:

• Frystingar fyrir þá sem eru með skerta innkomu tímabundið
• Greiðsluaðlögun fyrir þá sem eru með skerta innkomu til frambúðar
• Niðurfellingar fyrir þá sem ná góðum samningum (þetta virðist reyndar aðallega virka fyrir þá sem eiga mjög miklar eignir ... )
• Tveggja ára (að því er virðist fúnkerandi) gjaldþrot fyrir þá sem hafa ekki von um að standa við sínar skuldbindingar.

Það sem stefndur útaf núna eru í raun ALMENNU leiðréttingarnar og niðurfellignar auk afnáms verðtryggingar skulda. Mikilvægt er að þessar leiðréttingar verði fyrir heimili, fyrirtæki og sveitarfélög til styrkingar og eflingar fyrir allt samfélagið.

Leiðréttingar á skuldum heimilanna og þau úrræði sem heimilin geta nú þegar nýtt sér leggur ábyrgð á herðar bankanna. Þeir geta ekki lengur bara lánað og krafist veða heldur verða að bera hluta af ábyrgðinni, enda kominn tími til. 

Sú leiðrétting sem ég heyri ekki minnst á er að tryggja öllum grunn framfærslu, enda virðist öllum sama um þá sem lægst standa í launastiganum...

manni verkjar í hjartað ...

Strik undir skuldaafskriftir