AKUREYRI NÝJA HÖFUÐBORGIN

Eftir spjall við góða vinkonu á Facebook, hefur mér orðið ljóst að eina vitið er að taka þessar þungu byrgðar af Reykjavík og fjarlægja flugvöllinn. Reykjavík er búið að þurfa að burðast með allar (utan tvær eða þrjár) ríkisstofnanir innan sinna borgarmarka, flestar frá upphafi þeirra. Þeir Reykvíkingar sem eru í miðbænum þurfa að heyra í flugvélum oft á dag, og allt þetta fína byggingarland notað undir rassinn á einhverjum utanbæjarplebbum sem nenna ekki að keyra 8-9 klst. til að hitta lækni.

Það er sannarlega kominn tími til að létta á borginni, þakka henni fyrir allt liðna og snúa sér annað!

Akureyri hefur lengi verið titluð höfuðstaður norðurlands og því ekki úr vegi að gera hana að nýrri höfuðborg Íslands. Að þessu sinni held ég að við ættum að læra af reynslunni, þannig að þrátt fyrir að Alþingi, ráðuneytin og nýja hátæknisjúkrahúsið yrðu staðsett á Akureyri, gætu aðrir mikilvægir hlutar stjórnsýslunnar verið annarsstaðar. Matís gæti verið á Ísafirði, Seðlabankinn á Egilsstöðum, Íslandsstofa á Höfn í Hornafirði, LÍN á Selfossi, Byggðastofnun í Reykjavík o.s.fv.

Opinber þjónusta er rekin fyrir ríkisfé og vegna mikils ferðakostnaðar yrði þess skammt að bíða að flug yrði niðurgreitt að því marki að almenningur hefði raunverulegt val um að ferðast eftir þörfum og vilja. 

Og blessuð Reykjavík getur fengið notið sín sem ferðamannaborg, án frekari truflana.

 

Afsalar sér hlutverki höfuðborgar

Athugasemdir

[eyrún (IP-tala skráð) 25.1.2012 kl. 11:54]

Nákvæmlega, við á landsbyggðinni eigum nefnilega ekki að borga okkar skerf í ríkiskassann ef okkur er ekki gert kleift að sækja nauðsynlega þjónustu sem rekin er fyrir almannafé.

[BJÖRK , 25.1.2012 kl. 11:58]

Það er ekkert náttúrulögmál að Reykjavík sé Höfuðborgin!

[Sleggjan og Hvellurinn, 25.1.2012 kl. 15:38]

Það tekur bara hálftíma að keyra frá Kef til RVK.

[BJÖRK , 25.1.2012 kl. 16:02]

Sleggjan og Hvellurinn: Ég hef aldrei verið hálftíma út miðbæ RVK (þar sem öll þjónustan er) til Keflavíkur, það tekur mig 45-60 mín, bara akstur.

[BJÖRK , 25.1.2012 kl. 16:10]

Samkvæmt leiðarvísi já.is er stytsta leið 52.3 km frá Seðlabankanum út á Keflavíkurflugvöll og tíminn 40 mín ef hámarkshraða er haldið stöðugt alla leið. Þannig að ef þú lendir einhverntíma á ljósum eða í þungri umferð ertu komin hátt í klukkutíma!

[Sleggjan og Hvellurinn, 25.1.2012 kl. 16:50]

Þú segir að landbyggðin þarf að keyra 8-9tíma til að hitta lækni. Það er ekki rétt.

Það er þessi extra 30-45mín (eftir því hvert þú ert að fara) sem bætist við. 

Rétt skal vera rétt.

[BJÖRK , 25.1.2012 kl. 17:00]

þegar ég vísaði í 8-9 tíma, átti ég við þá sem fljúga í stað þess að keyra og var þarna sérstaklega að vísa í aksturstíma frá Austurlandi til Reykjavíkur.

Þú verður einnig að athuga það að með því að lenda í RVK er möguleiki að vera bíllaus en ef lent er í Kef kostar það annaðhvort bílaleigubíl eða rútu sem er bæði mikill aukakostnaður og mikill auka tími.

[BJÖRK , 25.1.2012 kl. 17:08]

Þetta átti að sjálfsögðu að vera þá sem velja að keyra í stað þess að fljúga.

[Sleggjan og Hvellurinn, 25.1.2012 kl. 17:31]

Þeir sem kjósa að keyra þá tekur það 8-9 tíma þótt að RVK flugvöllur verður á sínum stað.

[BJÖRK , 25.1.2012 kl. 17:38]

Það eru kostir og gallar við að vera höfuðborg, því fylgir hellingur af störfum og ríkisfjármagni, en líka ákveðin óþægindi, þar sem aðgengið þarf að vera til fyrirmyndar fyrir alla landsmenn. Spurningin er auðvitað hvort borgarbúar líti á sig sem einskonar foreldri eða móðurborg fyrir landsbyggðina eða ekki ... og ef ekki, þá er næsta skref að sjálfsögðu að breyta því og losa borgarbúa við þessa birgði!

[Sleggjan og Hvellurinn, 25.1.2012 kl. 18:48]

Reykjavik verður betri og fellegri höfuðborg þegar flugvöllurinn fer.

[Brynjar Þór Guðmundsson, 25.1.2012 kl. 19:48]

"Reykjavik verður betri og fellegri höfuðborg þegar flugvöllurinn fer.", Já og enn fallegri þegar HÎ og landspíalinn líka, hugasðu þér

[BJÖRK , 25.1.2012 kl. 22:05]

Já Brynjar Þór, sammála þér. Mikið verður nú borgin falleg þegar Landspítalinn og allar þessar ljótu stofnanir verða einhversstaðar annarsstaðar.

[Gunnlaugur (IP-tala skráð) 25.1.2012 kl. 22:49]

Láta hvert bæjarfélag eða sýslu halda 60-80% skattekkna til eigin uppbyggingar og sjálfsstjórnar og færa þjónustuna heim þá þarf Landsbyggðin sem er svo mikill baggi fyrir 101 ekki að sækja svona mikið til Rkv.

[BJÖRK , 26.1.2012 kl. 00:20]

Takk fyrir þetta Gunnlaugur, hljómar ákaflega gáfulega. Á sama tíma myndi grunnþjónusta eflast og yfirbyggingin skreppa saman!

[Kristján B Kristinsson (IP-tala skráð) 26.1.2012 kl. 20:29]

Baugssleggjan er jafn iðin við að sannfæra okkur um að hún tilheyrir hinu skyni skroppna liði sem býr á 101 Reykjvík og heldur að það sé einhver elíta Íslands.

[Sleggjan og Hvellurinn, 27.1.2012 kl. 00:05]

ég kem frá landsbyggðinni kristján.